بحبك يا يسوع

قلبي رح يهفى من الجوع

قلبي رَحْ يِهْفى مْنِ الجوعْ  وعَمْ تندَهْلي القربانِة
نوَّر قلبي يا يَسوع  حتّى يِقْوى إيماني (2)
 

حكيني ونَوُّرْ لي دربي إنتَ الحق وإنتَ النورْ

لا تنساني يا ربّي  خلّيني بعطفَكْ مَغْمورْ

إنتَ الـ قلتلّن خلّو الأطفال لعندي يطلّوا
أنا طَلَيتْ لْعِنْدَكْ جِيتْ جَايبلَكْ قَلْبي كِلّو

mp3 | pdf | powerpoint

بحبك يا يسوع

بحبك يا يسوع يا رب الأكوان بحبك يا يسوع يا خييّ الإنسان (۲)

١- اعطيني إفرح ليل نهار وغنّيلك أحلى الأشعار، بيعرف إسمك كل ديار
ربي يا خييّ الإنسان (۲)
۲- اعطيني خييّ حِبو كتير وصّليلو بإسمك تيصير كبير ومتلك قلبو كبير
ربي يا خييّ الإنسان (۲)
۳- اعطيني دربك إمشيها وإيدي بإيدك هدّيها، عيوني بوجّك خلّيها
ربي يا خييّ الإنسان (۲)

mp3 | pdf | powerpoint

شو حلوة السما

شو حلوة السما شو بحب السماء
كيف بدّي اوصلها إتلاقى بِـ ألله وعيش بحماه

يا ابني اْحفظ الوصايا تجنّب فعل الخطايا
صفِّ كلّ النوايا (بتوصل عالسما) 2

شارك يابني بالأسرار و بـإيمانك لا تحتار
قرا إنجيلك باستمرار (بتوصل عالسما) 2

تشبه يا ابني بالمسيح وعن ايمانك اوعَ تزيح
ال بحياته صلّى صحيح (بيوصل عالسما) 2

شارك يا ابني بجماعه زراع الكلمة بشجاعة
اخدم الاخوة بوداعة (بتوصل علسما) 2

mp3 | pdf | powerpoint

عودة    Back